У ЗША пасажырскі цягнік на поўнай хуткасці зваліўся з моста на шашу
18.12.2017 / 20:00
Washington State Patrol / EPA
У штаце Вашынгтон на паўночным захадзе ЗША пасажырскі цягнік сышоў з рэек, у выніку чаго адзін з яго вагонаў упаў з чыгуначнага моста проста на аўтамабільную шашу. Інцыдэнт адбыўся ў панядзелак на чыгуначнай лініі, якая была здадзеная ў эксплуатацыю ў гэтым месяцы паведамляе Fox News.
У выніку на шашы Interstate 5 ўтварыўся буйны затор.
Паведамляецца пра вялікую колькасць пацярпелых. Пакуль паліцыя кажа пра шасцярых загінулых і 70 параненых, якія знаходзяцца ў лякарнях.
***