Papa Rymski zaklikaje być miłasernymi da mihrantaŭ
Padčas kaladnaj imšy ŭ sabory śviatoha Piatra ŭ Vatykanie papa Rymski Francišak zaklikaŭ suśvietnuju supolnaść nie zabyvać pra toje, u jakim harotnym stanoviščy apynulisia miljony biežancaŭ, «što vymušana pakinuli svaju ziamlu», paviedamlaje Bi-Bi-Si.
25.12.2017 / 11:50
Fota obozrevatel.com.
Pantyfik paraŭnaŭ ich ź biblejskimi Maryjaj i Juzafam, jakija prajšli niaprosty šlach z Nazareta ŭ Betlejem dla rehistracyi ŭ rymskim cenzie.
Mnohija mihranty, nahadaŭ papa Rymski, biehli ad kiraŭnikoŭ svaich krain, jakija lohka pralivajuć niavinnuju kroŭ.
«My bačym jak miljony ludziej adpraŭlajucca ŭ šlach nie tamu, što jany sami taho chočuć, a pa nieabchodnaści. Jany vymušanyja pakidać svaich blizkich», — źviarnuŭsia papa Francišak.
Jon nahadaŭ, što viera zahadvaje haścinna prymać čužyncaŭ.
81-hadovy papa Rymski sam naradziŭsia ŭ Buenas-Ajresie ŭ siamji italjanskich emihrantaŭ. Abarona pravoŭ mihrantaŭ i kłopat pra ich — adna z asnoŭnych zadač jaho papstva.
Z tradycyjnym pasłańniem Urbi et Orbi («da Ryma i śvietu») pantyfik vystupić na Kalady ŭ Vatykanie.