Двое мужчын праваліліся пад лёд на Свіслачы ў цэнтры Мінска
06.02.2018 / 14:09
Інцыдэнт адбыўся сёння раніцай. «Двое мужчын, не рыбакі, мабыць, вырашылі зрэзаць шлях па лёдзе ў цэнтры Мінска. Іх выратавалі і перадалі медыкам на абследаванне», — праінфармавалі ў МНС.
Як распавялі ў Мінскай гарадской арганізацыі Асвод, двое мужчын, якім каля 40 гадоў, ішлі на працу па замерзлай рацэ.
«Нехта заўважыў, што яны праваліліся, і паведаміў у экстранныя службы. Недалёка знаходзіцца выратавальная станцыя «Камсамольскае возера» Мінскай гарадской арганізацыі Асвод. Супрацоўнікі на чале з начальнікам станцыі прыбылі на месца і працавалі сумесна з МНС. Адзін з мужчын быў выратаваны менавіта работнікамі Асвод, — адзначылі ў арганізацыі.