Biełarusy piatyja ŭ źmiašanaj estafiecie: stralali kłasna, a voś biehli…

20.02.2018 / 15:26

Bijatłonnaja prahrama na Alimpijadzie ŭ Pchiončchanie skančajecca estafietami. 20 lutaha prajšła źmiašanaja estafieta. Heta značyć, što na dvuch pieršych etapach biahuć žančyny, a na trecim i čacviortym — mužčyny.

Marten Furkad prynios Francyi zołata.

Nadzieja Skardzina i Darja Domračava byli trecimi, ale bijatłanistaŭ-mužčynaŭ top-uzroŭniu ŭ nas nie było. Siarhiej Bačarnikaŭ i Uładzimir Čapielin pakazali vielmi kłasnuju stralbu, ale ŭ miedalach utrymacca nie zmahli. U našych tolki piataje miesca.

Biełarusy skarystali najmieniej zapasnych strełaŭ — usiaho try. Adstavańnie ad lidara skłała 55 siekund.

Čempijonami stali francuzy, jakich na pieršaje miesca vyciahnuŭ Marten Furkad. Druhija — narviežcy, trecija — italjancy. Čacviortymi stali niemcy.

U čacvier adbudziecca žanočaja estafieta — apošni šaniec dla biełarusaŭ zavajavać miedali na Alimpijadzie. Pačatak a 14.

Sočym za Alimpijadaj razam z bukmiekierskaj kantoraj Marafon

ZP