Kiraŭnik Nacbanka naviedaŭ rodnuju škołu i padaryŭ faksimile knižnaj spadčyny Skaryny FOTY
Staršynia Praŭleńnia Nacyjanalnaha banka Biełarusi Pavieł Kałaŭr Dzień viedaŭ pravioŭ na svajoj małoj radzimie ŭ ahraharadku Biełavuša Stolinskaha rajona Bresckaj vobłaści. Jon sustreŭsia z vučniami i nastaŭnikami miascovaj siaredniaj škoły, jakuju skončyŭ sam amal sorak hadoŭ tamu, paviedamlaje pres-słužba banka.
01.09.2018 / 14:30
Kiraŭnik Nacyjanalnaha banka padaryŭ rodnaj škole ŭnikalnaje faksimilnaje vydańnie «Knižnaja spadčyna Francyska Skaryny», vypuščanaje letaś i pryśviečanaje 500-hoddziu biełaruskaha knihadrukavańnia.
Šmattomnaje faksimilnaje vydańnie «Knižnaja spadčyna Francyska Skaryny» ŭjaŭlaje saboj poŭny zbor knih, jakija byli nadrukavanyja Skarynam u Prazie (1517-1519) i Vilni (1522-1525).
U jaho asnovie — elektronnyja kopii vydańniaŭ pieršadrukara, što zachoŭvajucca ŭ bibłijatekach i muziejach Biełarusi, Niamieččyny, Rasii, Ukrainy i inšych krain. Navukovy vydaviecki prajekt byŭ realizavany Nacyjanalnaj bibłijatekaj Biełarusi i Bankam BiełVEB da 500-hoddzia biełaruskaha i ŭschodniesłavianskaha knihadrukavańnia. Aŭtarami idei vystupili Bank BiełVEB, jaki ŭznačalvaŭ na toj momant Pavieł Kałaŭr, i kiraŭnik Nacyjanalnaj bibłijateki Biełarusi Raman Matulski. Siońnia «Knižnuju spadčynu Franciška Skaryny» možna ŭbačyć u Bibłijatecy AAN, Karaleŭskaj bibłijatecy Bielhii, Nacyjanalnaj bibłijatecy Vienhryi, najbujniejšych bibłijatekach našaj krainy.