«Па тры, але маленькія, але па тры». Найлепшыя мініяцюры Рамана Карцава ВІДЭА

02.10.2018 / 16:48

2 кастрычніка памёр Раман Карцаў — акцёр і выканаўца эстрадных мініяцюр, які ўсё жыццё супрацоўнічаў з сатырыкам Міхаілам Жванецкім.

Раман Карцаў нарадзіўся 20 мая 1939 года ў Адэсе, яго сапраўднае імя Раман Кац. Там жа ў 1960 годзе склалася знакамітае трыа ў складзе Карцава, яго пастаяннага партнёра па эстрадзе Віктара Ільчанкі і пісьменніка Міхаіла Жванецкага.

У пачатку 1960-х гадоў артыст пераехаў у Ленінград і яго прынялі ў Тэатр мініяцюр Аркадзя Райкіна, дзе ён узяў сцэнічны псеўданім Раман Карцаў.