У Чачэрску мужчына ледзь не адрэзаў былой жонцы палец нажніцамі па метале за тое, што тая не начавала дома
03.10.2018 / 21:12
У Чачэрску паміж былымі мужам і жонкай паўстаў канфлікт з-за рэўнасці. Муж і жонка хоць і былі ў разводзе, але жылі разам. У адну з начэй жанчына не начавала дома, з-за гэтага паміж былымі партнёрамі ўзнік канфлікт.
Спярша мужчына біў былую жонку, у тым ліку па галаве, а калі жанчына здолела вырвацца, схапіўся за нажніцы па метале, прыставіў іх да пальца былой жонкі і пагражаў адрэзаць. На шчасце, жанчына паспела збегчы.
Цэлы месяц жанчына баялася паказвацца дома, жыла ў знаёмых.
Мужчыну аштрафавалі на 960 рублёў.