За кантрабанду больш за 20 кілаграмаў гашышу праз беларускую мяжу расіянін атрымаў 14 гадоў калоніі
26.11.2018 / 22:09
26 лістапада ў Брэсце 31-гадовага расіяніна асудзілі за незаконнае перамяшчэнне праз мяжу 23,5 кілаграма гашышу, паведамляе прэс-служба абласнога суда.
Мужчына схаваў кантрабанду за абшыўкай машыны і паспрабаваў заехаць з Польшчы ў Беларусь праз пункт пропуску. Супрацоўнікі мытні знайшлі наркотык і затрымалі перавозчыка.
Суд прызнаў расіяніна вінаватым і прызначыў яму 14 гадоў пазбаўлення волі ў калоніі ўзмоцненага рэжыму з канфіскацыяй маёмасці.
Прысуд не ўступіў у законную сілу і можа быць абскарджаны і апратэставаны ў апеляцыйным парадку.