Лукашэнка ўзнагародзіў медалём дэпутатку, якая распрацоўвала дэкрэт аб «дармаедах»
28.11.2018 / 13:57
Кіраўнік краіны 27 лістапада падпісаў указ аб узнагароджванні дэпутаткі Палаты прадстаўнікоў Тамары Красоўскай медалём «За працоўныя заслугі». Красоўская з’ўляецца старшынёй пастаяннай камісіі парламента па працы і сацыяльных пытаннях.
Тамара Красоўская. Фота mlyn.by.
Красоўская абраная па Барысаўскай сельскай акрузе, была кіраўніцай справамі Барысаўскага райвыканкама. У Палаце прадстаўнікоў Красоўская адказвала за распрацоўку Дэкрэту №1 «Аб садзейнічанні занятасці», таго самага, які атрымаў у народзе назву «дэкрэт аб дармаедах».
«Чым мы пакараем? Хіба праца — гэта пакаранне? У дэкрэце няма ні адной каральнай меры. Усё накіравана толькі на садзейнічанне і павышэнне матывацыі чалавека да легальнай працы», — адзначала Красоўская.