Namieśnik staršyni rasijskaj Dziaržaŭnaj dumy apublikavaŭ foty z Majami. Jamu nahadali, što ciapier rehijanalny tydzień

29.11.2018 / 16:48

Namieśnik staršyni rasijskaj Dziaržaŭnaj dumy, syn Uładzimira Žyrynoŭskaha Ihar Lebiedzieŭ apublikavaŭ u fejsbuku foty z Majami. Na heta kiraŭnik frakcyi «Adzinaja Rasija» Siarhiej Niavieraŭ nahadaŭ jamu, što zaraz idzie rehijanalny tydzień, i Majami — nie rasijski rehijon.

Na heta Lebiedzieŭ adkazaŭ, što Majami jak vybarčaja akruha zamacavanaja za adnym z deputataŭ ŁDPR, i «hrech hetaha nie viedać».

Paźniej dopis Lebiedzieva byŭ vydaleny ź jaho staronki.