Былы адвакат Трампа прызнаўся, што схлусіў Кангрэсу пра сувязі з Расіяй

29.11.2018 / 20:50

Былы адвакат прэзідэнта ЗША Дональда Трампа Майкл Коэн прызнаўся, што схлусіў Кангрэсу аб сувязях амерыканскага лідара з Расіяй, паведамляе CNN.

У прыватнасці, сёння ў федэральным судзе Манхэтэна Коэн прызнаўся ў даванні ў 2017 годзе недакладных звестак з нагоды планаў будаўніцтва Trump Tower ў Маскве. Юрыст сцвярджаў, што ён спыніў займацца здзелкай ад асобы Трампа ў студзені 2016 года. Цяпер ён прызнаўся, што працягваў абмеркаванне будаўніцтва з расіянамі да чэрвеня 2016 года.

Трамп адхіліў заявы Коэна.