Меркель сышла з пасады лідара ХДС са слязамі на вачах пасля 18 гадоў кіраўніцтва

07.12.2018 / 18:44

Канцлер Нямеччыны Ангела Меркель пакінула пасаду кіраўніка сваёй партыі Хрысціянска-дэмакратычны саюз (ХДС), паведамляе Reuters.

Яна выказала ўдзячнасць за магчымасць узначальваць ХДС на працягу 18 гадоў — 13 з іх у ролі канцлера.

«Для мяне гэта было велізарным задавальненнем і гонарам», — сказала Меркель.

Яна таксама падкрэсліла, што ХДС павінна глядзець не назад, а наперад. З новымі людзьмі, але з ранейшымі каштоўнасцямі.

Удзельнікі з'езду партыі абралі новага лідара. Ёй стала Анэгрэт Крамп-Карэнбаўэр.

Друкуецца ў межах спецыяльнай рубрыкі «Навіны Германіі»