Болтан паставіў ультыматум арміі Венесуэлы

24.02.2019 / 13:11

Дарадца прэзідэнта ЗША па нацыянальнай бяспецы Джон Болтан паставіў перад выбарам армію Венесуэлы, заклікаўшы вайскоўцаў абараняць народ.

«У ваенных Венесуэлы ёсць выбар: прыняць дэмакратыю, абараніць мірных жыхароў і дазволіць дастаўку гуманітарнай дапамогі; альбо яны сутыкнуцца з яшчэ большымі санкцыямі і ізаляцыяй», — заявіў Болтан.

Да свайго паведамлення ён прымацаваў артыкул Reuters, у якім гаворыцца пра тое, што новыя санкцыі супраць вайскоўцаў Венесуэлы могуць прыняць на наступным тыдні.