Выпрабаванні найноўшых украінскіх ракет правядуць на Чарнігаўшчыне
13.03.2019 / 22:32
Прэзідэнт Украіны Пятро Парашэнка заявіў, што Кіеў будзе праводзіць выпрабаванні свайго найноўшага ракетнага ўзбраення на тэрыторыі Чарнігаўскай вобласці, якая мяжуе з Беларуссю і Расіяй.
«Для Украіны цяпер з'яўляюцца цалкам новыя сучасныя магчымасці і па павелічэнні дакладнасці, і па павелічэнні радыуса дзеяння, і адносна магутнасці», — заявіў прэзідэнт у сераду ў Чарнігаўскай вобласці, яго словы прыводзіць «Укрінформ».
Ён мяркуе, што «вельмі важна, што гэтыя выпрабаванні будуць адбывацца на чарнігаўскай зямлі».
Раней у суботу Парашэнка заявіў, што Украіне неабходна высокадакладная ракетная зброя павышанага радыуса дзеяння, якая здольная трапляць у цэль далёка ў варожым тыле.