На пажары ў Клімавіцкім раёне загінула сям'я пенсіянераў

21.03.2019 / 21:09

На пажары ў хаце ў вёсцы Ціманава Клімавіцкага раёна загінулі два чалавекі, паведамляе Следчы камітэт.

Узгаранне адбылося ўначы 20 сакавіка. Пасля тушэння пажару ў доме знайшлі целы 80-гадовай гаспадыні хаты і яе 86-гадовага мужа. Адна з асноўных версій трагедыі — няспраўнасць печы.

Прызначаныя судова-медыцынскія і пажарна-тэхнічная экспертызы.