Z dabrasłavieńnia archijepiskapa Arciemija pierad #BNR101 u Kałožy buduć malicca za Biełaruś

Pierad śviatkavańniem #BNR101 u Kałožskim parku Horadni viernikaŭ zaprašajuć na ŭračystaje nabaženstva za Biełaruś i biełaruski narod u Barysahlebskuju carkvu, viadomuju jak Kałoža pa naźvie staroha haradzienskaha pradmieścia, dzie jana zchodzicca. Słužba pačniecca apoŭdni 23 sakavika, za hadzinu da pačatku kancerta.

23.03.2019 / 10:01

Jak paviedamili arhanizatary śviatkavańnia #BNR101 u Hrodnie, jany padali prośbu ab malebnie za Biełaruś i biełarusaŭ, archijepiskap Hrodzienski i Vaŭkavyski Arciemij dabrasłaviŭ jaho praviadzieńnie.

Paśla bohasłužeńnia pačniecca kancert, pryśviečany 101-m uhodkam abviaščeńnia niezaležnaści BNR. Na im vystupiać Lavon Volski, Źmicier Vajciuškievič, hurty Dzieciuki, «Daj darohu» i «Krama».