JUNIESKA płanuje stvaryć maksimalna poŭny pieralik karennych moŭ
19.05.2019 / 10:04
Štab-kvatera JUNIESKA ŭ Paryžy. Fota: Albertus teolog, wikimedia.org
«Usiaho ŭ śviecie pamiž piaćciu i šaściu tysiačami karennych moŭ. My ŭ JUNIESKA robim, kali zaŭhodna, invientaryzacyju hetych moŭ», — raspavioŭ ria.ru kiraŭnik addzieła zabieśpiačeńnia dastupnaści i zachavańnia infarmacyi Siektara kamunikacyi i infarmacyi JUNIESKA Bojan Radojkaŭ.
Jon adznačyŭ, što JUNIESKA źviarnułasia da ŭsich dziaržaŭ śvietu z prośbaj dasłać infarmacyju ab karennych movach.
«Niekatoryja adkazvajuć, niekatoryja nie, ale my chočam stvaryć maksimalna poŭny pieralik. Kali heta atrymajecca, dyk heta ŭžo budzie niamała… Zadača JUNIESKA ŭ tym, kab pryciahnuć uvahu da pytańnia karennych moŭ, kab paśla byli pryniatyja niejkija važnyja rašeńni», — dadaŭ Radojkaŭ.
Hienasambleja AAN abviaściła 2019 hod Mižnarodnym hodam movaŭ karennych narodaŭ, kab pryciahnuć uvahu da ryzyk, jakija ŭpryvajuć na karennyja movy.