Novy prezident Litvy: Adnosinam z Biełarussiu my nadamo vialikuju ŭvahu

04.06.2019 / 14:51

Delfi.lt

Abrany prezident Litvy Hitanas Naŭsieda skazaŭ, što budzie padtrymlivać dyjałoh z Biełarussiu, bo dla Litvy važnaja samastojnaść susiedniaj dziaržavy, piša Delfi.lt

«Biełaruś zjaŭlajecca vielmi važnym našym susiedam, vielmi važnym partnioram, jakomu my nadamo vialikuju ŭvahu. I ŭ našych intaresach, pierš za ŭsio, kab u našaj uschodniaj miažy byŭ niezaležny, samastojny i ekanamična dziejazdolny partnior, tamu Litva budzie padtrymlivać dyjałoh z Biełarussiu», — skazaŭ Naŭsieda žurnalistam u aŭtorak.

Pavodle jaho słoŭ, pakul rana kazać ab tym, ci budzie hety dyjałoh «na samym vyšejšym uzroŭni ci na ŭzroŭni ministraŭ».

«Ja liču, što ŭ lubym vypadku my pryznajem fakt taho, što zjaŭlajemsia susiedziami, što ŭ nas rozny padychod da niekatorych pytańniaŭ. Heta nie vielizarnaja trahiedyja, i my možam heta abmiarkoŭvać», — śćviardžaje jon.

Rytoryka Naŭsiedy ŭ hetym pytańni trochi adroźnivajecca ad Dali Hrybaŭskajcie. Jana nie ŭchvalała dyjałohu z Biełarussiu na vyšejšym uzroŭni z-za sajuza Biełarusi z Rasijaj i roznahałossiaŭ pa AES u Astraŭcy.