Украінскія памежнікі затрымалі беларуса, які вёз абсталяванне для верталётаў
04.06.2019 / 16:29
У пункце пропуску «Вільча» на ўкраінска-беларускай мяжы, памежнікі Жытомірскага атрада сумесна з работнікамі мытні ў адным з аўтамабіляў выявілі прадметы падвойнага выкарыстання.
Падчас памежна-мытнага кантролю легкавога «Крайслер», які рухаўся на ўезд ва Украіну, праваахоўнікі ў салоне аўтамабіля сярод асабістых рэчаў выявілі камплектуючыя да верталётаў розных мадыфікацый і аварыйны самапісец. Кіраваў транспартным сродкам 31-гадовы грамадзянін Беларусі.
У далейшым пры аглядзе машыны ахоўнікі знайшлі 23 інструкцыі па тэхнічным абслугоўванні і эксплуатацыі гэтых вырабаў.