Makareviču i «Mašynie času» zabaranili vystupać na Krasnaj płoščy ŭ Dzień Rasii: «Chtości kamuści patelefanavaŭ»
09.06.2019 / 11:45
Vystup hurta «Mašyna času» ŭ Maskvie pad ścienami Kramla ŭ zbornym kancercie z nahody Dnia Rasii 12 červienia admianiajecca, paviedamiŭ RIA Naviny pres-sakratar hrupy Anton Černin.
Raniej lidar kalektyvu Andrej Makarevič napisaŭ na svajoj staroncy ŭ fejsbuku: «Kali niechta raźličvaŭ ubačyć «Mašynu času» 12 červienia — nie ŭbačycie. Chtości kamuści patelefanavaŭ».
Mnohija internet-karystalniki, daviedaŭšysia pra vystup rok-hrupy na mierapryjemstvie la ścien Kramla, abvinavacili Makareviča ŭ kryvadušnaści, piša Hazieta.ru. U pryvatnaści, jany padkreślivali, što lidar «Mašyny času» pavodzić siabie niepaśladoŭna, adnačasova dazvalajučy sabie rezkija vykazvańni pra Krym i zhadžajučysia na padobnaha rodu kancerty.
«Mašyna času» sioleta svajo 50-hodździe adznačaje jubilejnym turam.