У Маскве разграмілі рэдакцыю «Сноба»
10.06.2019 / 15:49
Галоўны рэдактар праекта «Сноб» Ксенія Чудзінава паведаміла, што ў офіс выдання ўначы 10 чэрвеня пракраўся невядомы чалавек і «цалкам разграміў рэдакцыю».
Чудзінава не ведае матывы чалавека, які зладзіў пагром. Яна таксама не змагла ацаніць шкоду, паколькі з дзявятай раніцы ў рэдакцыі працуюць следчыя. У інтэрв'ю «Дождю» Чудзінава удакладніла, што пагром зладзіў мужчына.
У навіне «Сноба» гаворыцца, што злачынец разбіў шкляныя дзверы ў рэдакцыю і зламаў камп'ютары. Пасля гэтага ён спусціўся паверхам ніжэй і разграміў офіс іншай кампаніі.