Milicyja šukaje mužčynu, jaki 7 červienia źnik sa špitala ŭ Minsku i prapaŭ bieź viestak
16.06.2019 / 12:27
Supracoŭniki addzieła kryminalnaha vyšuku Savieckaha RUUS Minska šukaje bieź viestak źnikłaha Hasiuka Antona Viačasłavaviča, jaki naradziŭsia 6.10.1985 h. Jon 7 červienia samavolna pakinuŭ ŭstanovu achovy zdaroŭja i dahetul pra jaho miescaznachodžańnie nieviadoma.
Prykmiety: na vyhlad 30—35 hadoŭ, rost 182 sm, siaredniaha ciełaskładu, vałasy ciomna-rusyja. Na hałavie, rukach, śpinie «plamy» ad psaryjazu. Na haloncy pravaj nahi tatuiroŭka ŭ vyhladzie abstrakcyi daŭžynioj kala 20 sm.
Byŭ apranuty: biejsbołka siniaha koleru, čyrvonaja bajka z kapiušonam, čyrvonaja majka z karotkim rukavom, sinija džynsy, zimovyja čaraviki čornaha koleru ź sierabrystym azdableńniem. Pry sabie maje zaplečnik čornaha koleru.
Kali Vy bačyli hetaha mužčynu, albo majecie jakuju-niebudź infarmacyjaj pra jaho miescaznachodžańnie, milicyja prosić paviedamić u Savieckaje RUUS Minska asabista abo pa telefonach: 8 (017) 239-67-82, 8 (017) 292-02-02, 8 (029) 356-02-70 abo 102.