Pientahon daść Ukrainie jašče $250 miljonaŭ
18.06.2019 / 23:26
Ministerstva abarony ZŠA abviaściła siońnia, što płanuje vydzielić Ukrainie $250 miljonaŭ u ramkach supracoŭnictva ŭ sfiery biaśpieki dla naroščvańnia patencyjału Uzbrojenych sił Ukrainy.
Srodki buduć nakiravany na kuplu abstalavańnia dla padtrymki biahučych navučalnych prahram i apieratyŭnych patrebaŭ.
Praduhledžvajecca taksama davańnie Suchaputnych siłam i siłam śpiecyjalnych apieracyj Ukrainy snajpierskich vintovak, hranatamiotaŭ i kontrartyleryjskich radaraŭ; pryboraŭ dla biaśpiečnych kamunikacyj i radyjoelektronnaj baraćby; uzmacnieńnie vajskovaj mabilnaści; prybory načnoha bačańnia; lačeńnie.
«Heta supracoŭnictva ŭ halinie biaśpieki stała mahčymym dziakujučy pastajannamu prahresu Ukrainy ŭ pryniaćci klučavych instytucyjanalnych reformaŭ u sfiery abarony z metaj nabližeńnia architektury nacyjanalnaj biaśpieki Ukrainy ŭ jeŭraatłantyčnyja pryncypy», — adznačyli ŭ Pientahonie.