SK: Muzykant «Niejra Dziubiela» patłumačyŭ, što udaryŭ sam siabie nažom paśla praciahłaj pjanki
20.06.2019 / 22:06
Śledčy kamitet paviedamiŭ padrabiaznaści incydentu z vakalistam Neuro Dubel Juryjem Navumavym.
Fota: Jeŭraradyjo.
U adnoj sa staličnych kvater na praciahu niekalkich dzion mužčyna i maładaja para raśpivali ałkahol. Dniom 18 červienia na numar 103 źviarnułasia dziaŭčyna z prośbaj pryjechać da jaje ŭ kvateru dla akazańnia miedycynskaj dapamohi. Miedykami ŭ muzyki było vyjaŭlena nažavoje ranieńnie ŭ vobłaści žyvata, akazana nieabchodnaja dapamoha. Zatym jaho dastavili ŭ balnicu, dzie jon praciahvaje znachodzicca da hetaha času.
Zaviali kryminalnuju spravu pa č.1 st.147 (naŭmysnaje pryčynieńnie ciažkaha cialesnaha paškodžańnia) Kryminalnaha kodeksa.
Na dačynieńnie da ździajśnieńnia złačynstva praviarajucca 25-hadovy chłopiec i 19-hadovaja dziaŭčyna, jakija pražyvajuć u kvatery.
U chodzie śledstva Juryj Navumaŭ rastłumačyŭ, što nažavoje ranieńnie jon pryčyniŭ sabie samastojna i na jaho nichto nie napadaŭ.