Aeraport «Minsk» upryhožyli «Maleńkim pryncam» i kanceptualnym busłom FOTY
Napiaredadni II Jeŭrapiejskich hulniaŭ pryvakzalnuju placoŭku Nacyjanalnaha aeraporta Minsk upryhožyli novyja art-abjekty, pieradaje pres-słužba pradpryjemstva.
21.06.2019 / 14:40
Ustalavanuju raniej kampazicyju «Sustrakajem haściej!» u vyhladzie adkrytaj dałoni, dekaravanaj zialonaj travoj, dapoŭnili druhoj dałońniu, vykananaj z taho ž materyjału.
Sapraŭdnym upryhožańniem pryvakzalnaj płoščy stała skulpturnaja kampazicyja «Maleńki prync». Aŭtaram idei źjaŭlajecca supracoŭnica Nacyjanalnaha aeraporta Minsk Taćciana Nikałajčuk, a ŭvasobili hetuju temu skulptar Kanstancin Sielichanaŭ i architektar Juryj Hradaŭ.
Taksama na pryvakzalnaj płoščy źjaviŭsia mastok praz fantan. Z dvuch bakoŭ mastka ŭ vadzie, a taksama na stylizavanych uzdymach raźmiaścilisia harłačyki, rybki i kazurki z naturalnaha kamieniu.
A la VIP-zały ciapier kožny pasažyr i hość Nacyjanalnaha aeraporta Minsk moža ŭbačyć kampazicyju «Ščaślivaj darohi», hrodzienskaha skulptara Siarhieja Žylskaha, jakaja simvalizuje palot i imknieńnie da novych vyšyń. U joj fihuruje biełaruski arnamient, jaki abaznačaje ziamlu, uradžaj i bahaccie. Skulptura vykananaja z naturalnych kamianioŭ i nieržaviejučaj stali.
U čakańni rejsa sumavać sapraŭdy nie daviadziecca. Kožny pasažyr i hość Nacyjanalnaha aeraporta Minsk taksama zmoža adčuć siabie hrosmajstram abo prosta zrabić zapaminalnyja fota.