Žychar Vaŭkavyska sa svajho sada piersiki nosić viodrami. I ŭsim rekamienduje FOTY
25.07.2019 / 16:26
Vasil Sałaviej pasadziŭ piersik čatyry hady tamu. Sioleta ŭpieršyniu sabraŭ uradžaj — až dva viadry.
Zacviło dreŭca pieršy raz na druhi hod paśla pasadki. A ciapier pačało radzić paŭnavartasna.
«Piersiki nie patrabujuć asablivaha dohladu. Kali paraŭnoŭvać maje piersiki z pryvaznymi, to našy mienšyja pa pamiery, ale saładziejšyja, skura ŭ ich miakkaja i aksamitnaja. Na budučy hod budu pašyrać płantacyju piersikaŭ. Jabłyki — heta banalna. Nu, abrykosy rastuć u mianie, arechi. Heta taksama tryvijalna i nikoha hetym nie ździviš», — raskazvaje haspadar piersikaŭ.
Švahier haspadara Viktar Varaniec paśpieŭ piersiki acanić.