У Мёрскім раёне некалькі разоў перакуліўся легкавік з кампаніяй маладых людзей
28.07.2019 / 14:48
У Мёрскім раёне ў вёсцы Старыя Крукі некалькі разоў перакулілася Peugeot 406. У салоне знаходзіліся тры хлопцы і дзве дзяўчыны, паведамляе міліцыя.
ДТЗ адбылося 27 ліпеня ў 19.55. 26-гадовая кіроўца пры здзяйсненні абгону зачапіла сустрэчную абочыну і, не справіўшыся з кіраваннем, вылецела з дарогі. Пры гэтым легкавік некалькі разоў перакуліўся.
Супрацоўнікі ДАІ выявілі людзей на зямлі. Паводле папярэдняй інфармацыі, яны не ўсе былі прышпіленыя рамянямі бяспекі. Чацвёра чалавек шпіталізавалі.