Стала вядома, якія сумы штрафаў з насельніцтва закладаюцца ў бюджэт Беларусі
02.08.2019 / 13:49
Эканаміст Дзмітрый Івановіч апублікаваў у сваім фэйсбуку табліцу з пералікам і сумамі штрафаў за розныя парушэнні, якія закладаюцца ў бюджэт Беларусі. Найбольшую суму — 86 282 609 рублёў на 2019 год — складаюць штрафы за парушэнне правілаў дарожнага руху. Да іх можна дадаць яшчэ 7 776 087 рублёў, прадугледжаных за парушэнні правілаў, выяўленыя з дапамога фотафіксатараў.
У такіх самых памерах гэтыя штрафы прадугледжваліся і ў бюджэце 2018 года.
За інфармацыю аналітык дзякуе дэпутатцы Палаты прадстаўнікоў Ганне Канапацкай.