Unučka Łukašenki pastupiła ŭ Licej BDU — samuju prestyžnuju navučalnuju ŭstanovu krainy
Unučka kiraŭnika krainy (dačka jaho siaredniaha syna Dźmitryja) Nastaśsia pačynaje navučańnie ŭ Licei BDU. Jana pastupiła ŭ humanitarny kłas. Pra heta «Našaj Nivie» raskazali vykładčyki navučalnaj ustanovy.
24.08.2019 / 12:15
Nastaśsia Łukašenka, fota Vk.com
Licej BDU — samaja prestyžnaja navučalnaja ŭstanova krainy. Siudy pastupajuć paśla 9 kłasaŭ škoły.
Sioleta ŭpieršyniu adbyvaŭsia nabor pa dvuch novych profilach dla navučańnia ŭ humanitarnych kłasach. Pieršy — hramadaznaŭstva i anhlijskaja mova. Druhi — historyja Biełarusi i anhlijskaja mova. Prachadny bał na humanitarny profil skłaŭ 140 (stolki treba było nabrać na ispytach pa dvuch pradmietach).
Nastaśsia Łukašenka pastupiła na «hramadaznaŭstva i anhlijskuju movu».
Raniej dziaŭčynka vučyłasia ŭ minskaj himnazii №16, jakaja znachodzicca ŭ Viaśniancy. Razam ź siastroj Darjaj, małodšaj na hod, jany zajmajucca muzykaj — hrajuć na fartepijana. Unučki kiraŭnika krainy nie raz stanavilisia pryziorami tvorčych konkursaŭ.
Čytajcie:
Apublikavanyja biełaruskamoŭnyja kazki ŭnučak Łukašenki: Nastaśsia i Darja napisali pra śniehavika i adnaroha — teksty
Nastaśsia i Darja Łukašenka, 2017 h. Fota Volhi Šukajła, Tut.by.
U Alaksandra Łukašenki siamiora ŭnukaŭ.
U siamji jaho starejšaha syna Viktara čacviora dziaciej. Dačka Viktoryja (1998) niekalki hadoŭ tamu pačała płatnaje navučańnie na fakultecie mižnarodnych adnosin BDU. Aproč taho, u siamji hadujucca Alaksandr (2004), Valeryja (2009) i Jarasłaŭ (2013).
U siamji Dźmitryja, aproč zhadanych Nastaśsi i Darji, małaja Alaksandra (2014).