Dačka padazravanaha pa spravie MH17 Uładzimira Cemacha śćviardžaje, što jon viarnuŭsia ŭ «DNR»
12.09.2019 / 18:28
Były kamandzir supraćpavietranaj abarony ŭ samaabvieščanaj Danieckaj narodnaj respublicy Uładzimir Cemach viarnuŭsia ŭ DNR. Pra heta paviedamiła «Nastojaŝiemu vriemieni» jaho dačka Maryja Leŭčanka-Cemach.
Raniej jana apublikavała post va «Ukantakcie», u jakim napisała, što jaje baćka viartajecca z Rasii na terytoryju, padkantrolnuju sieparatystam. Sama Leŭčanka-Cemach žyvie ŭ Charcyzsku, nievialikim ukrainskim horadzie niedaloka ad Śniežnaha.
U 2014 hodzie Uładzimir Cemach zajmaŭ pasadu kamandzira SPA ŭ Śniežnym, pobač ź jakim źbili małajzijski «Boinh». Ukrainskija śpiecsłužby zatrymali jaho ŭ červieni 2019 hoda.