Раналду расплакаўся, калі ўбачыў кадры са сваім памерлым бацькам ВІДЭА

16.09.2019 / 20:55

Гулец Ювентуса Крышціяну Раналду не змог стрымаць слёз пры праглядзе відэа са сваім памерлым бацькам. Журналіст тэлеканала ITV Пірс Морган паказаў Раналду ўрывак з інтэрв'ю, у якім бацька футбаліста кажа, як ён ганарыцца сваім сынам, паведамляе Good Morning Britain у Twitter.

‘He doesn’t see me receive awards.’

In an emotional interview, @Cristiano breaks down in tears over the loss of his late father and the fact that he never got to witness his son's success.

Watch the full interview on @ITV on Tuesday at 9pm.@piersmorgan | #GMB pic.twitter.com/LybbJn31VR

— Good Morning Britain (@GMB) September 16, 2019

Раналду ўпершыню ўбачыў гэтыя кадры і не змог стрымаць эмоцый.

«Не чакаў, што буду плакаць. Я ніколі раней не бачыў гэтых кадраў. Я хачу паказаць іх сваёй сям'і», — сказаў Раналду.

Раналду вельмі шкадуе аб тым, што бацька не дажыў да моманту, калі ён атрымаў першыя сур'ёзныя ўзнагароды.

Бацька Раналду Жазэ Авейру памёр ва ўзросце 52 гадоў, калі Крышціяну было 20 гадоў.

Поўнае інтэрв'ю з вядомым футбалістам выйдзе на канале ITV у аўторак.

Nashaniva.com