U Rasii 72-hadovaha piensijaniera asudzili na 12 hadoŭ kałonii za dziaržzdradu na karyść Ukrainy
09.10.2019 / 18:43
Rastoŭski abłasny sud pryznaŭ 72-hadovaha Uładzimira Marhunova vinavatym u dziaržzdradzie na karyść Ukrainy i prysudziŭ jaho da 12 hadoŭ pazbaŭleńnia voli ŭ kałonii strohaha režymu. Pra heta paviedamili RBK u pres-słužbie suda.
Pavodle suda, Marhunoŭ pieradavaŭ ukrainskim śpiecsłužbam infarmacyju ab dysłakacyi vajennaj techniki ŭ prymiežnych rajonach, siłach pamiežnikaŭ, hramadska-palityčnym stanoviščy ŭ hetym rehijonie. Jon dzialiŭsia źviestkami z supracoŭnikam ukrainskaj raźviedki jak pa telefonie, tak i padčas sustreč na terytoryi susiedniaj dziaržavy.
U Marhunova praviali pieratrus doma i znajšli 10 skrynak z-pad telefonaŭ, mnostva sim-kart i dva pašparty na jaho imia — ukrainski i rasijski.
Svaju vinu Marhunoŭ pryznaŭ. Jaho sprava razhladałasia ŭ admysłovym paradku.