Navukoŭcy: rak skury moža raźvivacca z kletak, adkaznych za koler vałasoŭ
05.11.2019 / 08:18
Navukoŭcy Ńju-Jorkskaha ŭniviersiteta (ZŠA) vyznačyli novy miechanizm uźniknieńnia ahresiŭnaha raka skury. Puchliny mohuć pačać raści z stvałavych kletak, jakija znachodziacca ŭ vałasianych falikułach i vyznačajuć koler vałasoŭ. Ab hetym paviedamlajecca ŭ pres-relizie na MedicalXpress.
Daśledniki vyjavili, što ankahiennyja pihmientnyja kletki mihrujuć z falikułaŭ da źniešniaha słoju skury, dzie pačynaje raźvivacca miełanoma. Złajakasnyja kletki pačynajuć množycca ŭ epidermisie, paśla čaho pranikajuć u hłybiejšyja słai skury. Hetyja kletki hublajuć markiery falikularnaha pachodžańnia i nabyvajuć charaktarystyki kletak inšych skurnych tkanak.