Расія хоча яшчэ больш спрасціць атрыманне расійскага грамадзянства
06.11.2019 / 22:24
Кіраўнік камітэта расійскага парламента па справах СНД, еўразійскай інтэграцыі і справах суайчыннікаў Леанід Калашнікаў заявіў, што да снежня ў Дзяржаўную думу ўнясуць законапраект аб спрашчэнні атрымання расійскага грамадзянства.
Згодна з законапраектам, пры уступленні ў грамадзянства Расіі не будуць патрабаваць адмовіцца ад грамадзянства іншай краіны. Раней гэтую норму адмянілі толькі для жыхароў Данбаса.
У канцы красавіка прэзідэнт Расіі Уладзімір Пуцін падпісаў указ, які спрасціў працэдуру атрымання расійскага грамадзянства жыхарамі так званых «рэспублік» Данбаса.