Pamior Vital Hidranovič
19.11.2019 / 16:03
U Navapołacku pamior Vital Hidranovič, adzin z aktyŭnych dziejačaŭ našaha najnoŭšaha adradžeńnia na Połaččynie.
Vykładaŭ u Navapołackim politechničnym instytucie, byŭ kandydatam piedahahičnych navuk. U 1990 hodzie staŭ deputatam Viciebskaha abłasnoha i Navapołackaha haradskoha savietaŭ: u apošnim zajmaŭ pasadu kiraŭnika kamisii pa pryvatyzacyi.
Paźniej zajmaŭsia ahrarnym biznesam, padtrymlivaŭ finansava biełaruskuju spravu, sam składaŭ «Trasianka-biełaruski słoŭnik». Mieŭ 68 hadoŭ.