Ahromnisty vadaspad Viktoryja praz zasuchu pieratvaryŭsia ŭ strumieńčyk vady
11.12.2019 / 19:22
Vadaspad Viktoryja mocna źmialeŭ z-za zasuchi. Navukoŭcy bajacca, što źmianieńnie klimatu moža zusim źniščyć słavutaść, piša 34travel.me.
«U papiarednija hady jon vysychaŭ, ale nie nastolki, — prakamientavaŭ situacyju adzin ź miascovych žycharoŭ. — My ŭpieršyniu z hetym sutykajemsia».
U takim maštabie vadaspad Viktoryja sapraŭdy nie pierasychaŭ za apošnija 25 hadoŭ. I navat sa skančeńniem suchoha siezonu daždžy ŭ rehijon nie pryjšli. Vadaspad zamarudziŭ svoj chod, a ŭzrovień vady źmienšyŭsia napałovu.
Navukoŭcy ŭpeŭnienyja, što abmialeńnia pryviadzie da prablem z hidraenierhietykaj i sielskaj haspadarkaj. Miascovym užo patrebna charčovaja dapamoha z-za nieŭradžaju. Moža paciarpieć i turystyčnaja pryvabnaść rehijonu. Kožny hod vadaspad pryciahvaŭ miljony padarožnikaŭ u Zambiju i Zimbabve, ale ciapier jon pieratvaryŭsia ŭ tonki strumieńčyk vady.