Кітай пакрыўдзіўся з-за дацкай карыкатуры пра каранавірус
28.01.2020 / 18:49
Пасольства Кітая ў Даніі выказала моцнае абурэнне ў сувязі з карыкатурай у газеце Jyllands-Posten, на якой пяць зорак на дзяржаўным сцягу Кітая замянілі выявай каранавіруса. Малюнак «абразіў Кітай і раніў пачуцці кітайскага народа», паведамілі ў дыпламатычным прадстаўніцтве, піша The Local.
Кітайскія дыпламаты лічаць, што свабода слова ў гэтым выпадку выйшла за межы этыкі і патрабуюць выбачэнняў за публікацыю малюнка ад выдання і ад аўтара.
Выданне адмовілася прасіць прабачэння.