U Mahilovie 9-hadovy chłopčyk uziaŭ baćkavu mašynu i pajechaŭ u škołu — i paśpiachova dajechaŭ VIDEA
29.01.2020 / 16:44
28 studzienia ŭ milicyju źviarnuŭsia miascovy žychar. Jon paviedamiŭ, što skrali jahony «Aŭdzi A6». Mašyna była pryparkavanaja la doma, paviedamlaje aficyjny pradstaŭnik MUS Volha Čamadanava ŭ svaim telehram-kanale.
Vyvučyŭšy zapis kamiery videanazirańnia, apieratyŭniki pabačyli momant «vykradańnia». Akazałasia, što za rulom aŭto znachodziŭsia 9-hadovy syn mužčyny!
Pakul baćki nie było doma, jon uziaŭ kluč ad mašyny, zavioŭ jaje i pajechaŭ u škołu.
Pieraadoleŭšy biez prablem prykładna paŭkiłamietra pa ažyŭlenaj vulicy ŭ hadzinu pik, juny kiroŭca pryparkavaŭsia kala navučalnaj ustanovy i pajšoŭ na ŭroki.