U Rasii vyzvalili izrailcianku Isachar, asudžanuju na 7,5 hoda za kantrabandu narkotykaŭ. Pa jaje jedzie premjer Izraila
30.01.2020 / 10:56
TASS
Asudžanaja ŭ Rasii za kantrabandu narkotykaŭ izrailcianka Naama Isachar, jakuju napiaredadni pamiłavaŭ prezident Uładzimir Pucin, vyjšła na volu, paviedamlaje RBK.
25-hadovaja hramadzianka Izraila była prysudžanaja da siami z pałovaj hadoŭ kałonii. Dziaŭčynu zatrymali ŭ krasaviku 2019 hoda ŭ aeraporcie Šaramieccieva padčas pierasadki z Deli ŭ Tel-Aviŭ. U jaje zaplečniku, jaki Isachar zdała ŭ bahaž, znajšli 9,6 h hašyšu, u Izraili i Indyi jaho zachoŭvańnie ŭ takich kolkaściach nie karajecca. Izrailcianka pahadziłasia, što narkotyk naležyć joj, ale nie pryznała vinu ŭ kantrabandzie, bo ŭ jaje nie było dostupu da bahažu padčas pierasadki.
U kastryčniku Chimkinski sud pryznaŭ Isachar vinavataj. Jana znachodziłasia ŭ žanočaj kałonii ŭ Padmaskoŭi.
Z prośbaj vyzvalić dziaŭčynu da Pucina źviartalisia prezident Izraila Reŭvien Ryŭlin i premjer Bińjamin Nietańjachu. Paźniej Nietańjachu zajaviŭ, što spadziajecca na «dobryja naviny» paśla abmierkavańnia pytańnia z rasijskimi ŭładami. U studzieni 2020 hoda padčas vizitu ŭ Izrail Pucin sustreŭsia z maci asudžanaj Jafaj Isachar i paabiacaŭ, što «ŭsio budzie dobra».