Pamior aktyvist Źmicier Ševiel, u jakoha ŭ Polščy zdaryŭsia insult
30.01.2020 / 12:03
Źmicier Ševiel pamior siońnia ranicaj u Polščy.
«Partyja BNF, usie my zhubili sapraŭdnaha zmahara za našu krainu, za našu Biełaruś. Ciažka navat uśviedamlać, što Źmitra bolš nie budzie z nami», — napisaŭ u svaim fejsbuku kiraŭnik partyi BNF Ryhor Kastusioŭ.
Źmicier Ševiel — siabra niezaležnaha prafsajuza REP i siabra BNF, u Biełarusi jon pazbaviŭsia pracy za hramadskuju dziejnaść, tamu byŭ vymušany šukać pracy ŭ zamiežžy.
Jon pajechaŭ u Polšču, ale 15 studzienia padčas znachodžańnia ŭ Toruni ŭ jaho zdaryŭsia insult. U vajavodskim špitali była zroblenaja składanaja apieracyja, paśla jakoj Źmicier znachodziŭsia ŭ nieprytomnym ciažkim stanie.
Situacyja ŭskładniałasia tym, što, prybyŭšy na miesca pracaŭładkavańnia, Źmicier nie paśpieŭ zrabić miedycynskaj strachoŭki. Tady ž pačaŭsia zbor hrošaj na apłatu lačeńnia i reabilitacyi Źmitra. Patrabavałasia jak minimum 15 tysiač złotych (8 370 biełaruskich rubloŭ).