Рыбак праваліўся пад лёд на Ушаччыне, але паспеў патэлефанаваць маці, якая выклікала ратавальнікаў
20.02.2020 / 21:29
Інцыдэнт адбыўся 20-лютага каля вёскі Апанаскавічы, паведамляе МНС.
Мужчына рыбачыў з гумавай лодкі. Калі ён выбіраўся на бераг, то праваліўся пад лёд. 28-гадовы мужчына паспеў патэлефанаваць маці. Тая паведаміла пра здарэнне ратавальнікам.
Супрацоўнікі МНС выратавалі рыбака. Ён знаходзіўся за 50 метраў ад берага і трымаўся за лодку. Мужчыну з пераахаладжэннем адвезлі ў бальніцу.