Pakupnik skraŭ Mercedes u Śvietłahorsku padčas test-drajvu
06.03.2020 / 16:22
U Śvietłahorsku padčas test-drajvu pakupnik skraŭ aŭtamabil. Aŭto znajšli ŭ Minskaj vobłaści, paviedamlaje milicyja.
U lutym 22-hadovy žychar Červieńskaha rajona natknuŭsia ŭ internecie na abjavu ab prodažy Mercedes-Benz W212. Pa telefonie z pradaŭcom jon damoviŭsia pra sustreču ŭ Śvietłahorsku.
Pakupnik pryjechaŭ u rajcentr uviečary 25 lutaha. Paśla ahladu aŭtamabila zładzili test-drajv. Istotnych narakańniaŭ na mašynu nie było, paśla nievialikaha torhu mužčyny damovilisia pra ździełku.
Maładyja ludzi zajechali na haradskuju AZS, dzie haspadar aŭto adłučyŭsia. Na vulicy zastaŭsia jaho znajomy i pakupnik. Apošni paprasiŭ dazvołu sieści za rul nibyta dla paŭtornaha test-drajvu. Ničoha nie padazrajučy, mužčyna nie admoviŭ, a pakupnik skarystaŭsia momantam i skraŭ aŭtamabil.
Pra zdareńnie paciarpieły paviedamiŭ u milicyju. Syščyki vyśvietlili asobu padazravanaha, adnak da taho momantu jon užo znachodziŭsia za miežami Homielščyny. Maładoha čałavieka zatrymali ŭ rodnaj vioscy. Pavodle jaho słoŭ, advažyŭsia na złačynstva ŭ nadziei na toje, što haspadar nie zajavić ab kradziažy: Mercedes byŭ na rasijskich numarach.
Ciapier padazravany ŭ izalatary časovaha ŭtrymańnia. Śledčyja dali pravavuju acenku jaho dziejańniam. Zaviali kryminalnuju spravu.