Rebus ad BT: zhadali piać telehram-kanałaŭ, ale tak, kab ich nichto nie paznaŭ

28.04.2020 / 14:11

U efiry «Biełaruś-1» vyjšaŭ novy vypusk prahramy «Zrazumiełaja palityka» — «Virus u hałavie: čym niebiaśpiečny Telehram». Viadučy — namieśnik staršyni Biełteleradyjokampanii Siarhiej Husačenka. Adziny ekśpiert — pastajanny aŭtar intehracyjnaha «Sajuznaha naratyvu 2050» Alaksiej Aŭdonin. Na praciahu ŭsioj prahramy jany davodzili, što telehram-kanałam vieryć nielha.

Namieśnik staršyni Biełteleradyjokampanii Siarhiej Husačenka

Pieradača nie admietnaja ničym, aproč śmiešnaj sproby prajścisia pa kankretnych telehram-kanałach, jakija pišuć pra biełaruskija realii — ale nie nazvać ich.

«Nazyvać ich śpiecyjalna nie budziem, kab nie pavialičvać kapitalizacyju. Vykarystajem umoŭna blizkija pańniaćci i sinonimy», — patłumačyŭ Siarhiej Husačenka.

Biełaruskija telehram-kanały, zhadanyja na BT

• «Kniechta» — nasamreč «Niechta»
• «Brieš hołovnoho mozha» — nasamreč «Biełaruś hołovnoho mozha»
• «Briechnia» — nasamreč «Łuchta»

Antybiełaruskija telehram-kanały, zhadanyja na BT

• «Chłopok» — nasamreč «Trykataž»
• «Zapadnoje otkrovienije» — nasamreč «Vostočnoje pritvorstvo»
• «Tronnyj korniepłod» — nasamreč «Bulba priestołov»

BIU