У Маладзечне медык у ахоўным касцюме дапамог качцы з малымі качанятамі перайсці дарогу ВІДЭА
25.05.2020 / 16:52
Відэа выратавання качанят з'явілася сёння адразу ў некалькіх пабліках у сацсетках, піша kraj.by.
Мяркуючы па колькасці каментароў і лайкаў пад ролікам «Місія па выратаванні ў Маладзечне», ён ужо паспеў многіх скарыць. Маладзечанскія медыкі ратуюць не толькі людскія жыцці.
Як бачна на відэа, мужчына ў ахоўным касцюме дапамог качцы з качанятамі перасекчы ажыўленую праезную частку. Медык заставаўся на дарозе да тых часоў, пакуль апошняя качаня не ускараскалася на бардзюрны камень і не далучылася да сваёй сям'і.