Два браты патанулі падчас рыбалкі пад Браславам
30.06.2020 / 08:16
Два браты адправіліся лавіць рыбу на возера Інава ў Браслаўскім раёне раніцай 28 чэрвеня. Калі ўвечары яны перасталі выходзіць на сувязь, родныя забілі трывогу, паведамляюць Народныя навіны Віцебска.
Возера Інава знаходзіцца за 13 кіламетраў на паўднёвы ўсход ад Браслава і мае плошчу 1,27 квадратнага кіламетра. Максімальная глыбіня на гэтым возеры — 9 метраў.
Днём 29 чэрвеня целы 45-гадовага і 57-гадовага мужчын былі знойдзеныя і вынятыя з вады.
На месцы здарэння працавалі следчыя, па факце гібелі братоў праводзіцца праверка.