«Narod nie zabudzie Akreścina». Žychary Horak iznoŭ praviali akcyju suprać nasilla

25.08.2020 / 17:26

Učora ŭviečary ludzi znoŭ sabralisia ŭ centry Horak. U rukach jany trymali pa adnoj litary, jakija razam składvalisia ŭ frazu «Narod nie zabudzie Akreścina», pišuć horki.info.

Praź niekatory čas da ŭdzielnikaŭ akcyi padjechała milicyja, jakaja paprasiła razyścisia, tamu što mierapryjemstva nie dazvolena. Ludzi paviarnulisia ŭ bok płoščy Jakuboŭskaha i ŭskłali kvietki hieroju vajny suprać fašyzmu.