Na biełaruska-ŭkrainskaj miažy vystrailisia pamiežniki sa ščytami — Ukraina nie puskaje da siabie 1,5 tysiačy jaŭrejaŭ-chasidaŭ

14.09.2020 / 20:58

U punkcie propusku Novaja Huta sabralisia jaŭrei-chasidy, jakich nie puskajuć va Ukrainu.

Z-za vialikaj kolkaści ludziej ukrainskija pamiežniki vystrailisia sa ščytami, pierakryŭšy darohu na niejtralnaj terytoryi pamiž Novaj Hutaj i Novymi Jaryłavičami.

Jak raspaviali «ČP Homiel» u Homielskim pamiežnym atradzie, bolš za 1,5 tysiačy chasidaŭ płanavali patrapić va Ukrainu da 19 vieraśnia (Novy hod pa jaŭrejskim kalendary), ale tam da 29 vieraśnia ŭviali abmiežavańni na ŭjezd zamiežnikaŭ.

Pamiežnaja słužba Ukrainy admaŭlaje va ŭjeździe zamiežnikam, u tym liku chasidam.