Прыдыбайла на БТ абурыўся публікацыяй сваіх кантактаў: Што вы робіце, чэрці?!
18.09.2020 / 23:30
Госцем «Клуба рэдактараў» на «Беларусь 1» стаў супрацоўнік «Рашы Тудэй» Канстанцін Прыдыбайла. Ён ніякі не рэдактар, але ўжо чарговы раз трапляе ў праграму Івана Эйсманта.
«Крыўдна, што апублікавалі мае персанальныя даныя ў адным з тэлеграм-каналаў. Я першы журналіст там, я правяраў. Так, троляць, буляць, нападаюць на журналістаў дзяржаўных медыя, але менавіта неяк у сацсетках вылічваюць па імені, прозвішчы, аўтарству матэрыяла. Але каб патрапіць у «чорную кнігу», як яны называюць… Там ёсць сілавікі — быццам бы яны да гэтага прывыклі. Але журналіст… Я спецыяльна апрануў футболку «фрыдам оф спіч» (свабода выказвання — «НН»). Калі вы такія мірныя, калі вы за роўнасць усіх на свеце, калі вы за свабоду слова, то што вы робіце, чэрці?!»