U Minsku znoŭ prajšła hihanckaja demanstracyja. Ludzi procistajali vadamiotam
asnoŭnaje za 4 kastryčnika
04.10.2020 / 23:36
Bolš za 100 tysiač čałaviek uziali ŭdzieł u Maršy za vyzvaleńnie palitviaźniaŭ u Minsku. Demanstrantaŭ było bolš, čym na minułych vychadnych.
Akramia hałoŭnaj 100-tysiačnaj kałony, častka jakoj pajšła da Akreścina, a inšaja — da Malinaŭki…
…druhaja šmattysiačnaja kałona sabrałasia ź ludziej, jakich rassiejali na praśpiekcie Pieramožcaŭ kala 15:30. Hetaja prajšła pa Niamizie, Cetkin, Kalvaryjskaj, paśla čaho łukašenkaŭcy razahnali jaje vadamiotami kala Kalvaryi.
Žychary Minska aktyŭna procidziejničali vadamiotam.
Zatrymanych siońnia było mienš, čym 4 minułyja niadzieli. Tym nie mienš, u śpisach zatrymanych pa krainie ŭžo bolš za 211 čałaviek.
Razrastajecca vajna miž Azierbajdžanam i armianami. Armianie siońnia nanieśli rakietnyja ŭdary pa haradach Hiandža i Minhiečavir daloka za linijaj frontu. A Azierbajdžan abviaściŭ pra vyzvaleńnie horada Džebraił — upieršyniu zaniataja nie vioska, a horad na terytoryi Karabacha.
Ź inšych navin: čarhovaja vialikaja avaryja na minskim vodapravodzie, užo 4-ja za hety hod. Siońnia biez vady zastaŭsia Frunzienski rajon. Pitnuju vadu na Zachad i Kamiennuju Horku padvozili cysternami.