Što viadoma pra zatrymanaha ŭ Dokšycach byłoha milicyjanta Juryja Maciejuna
10.10.2020 / 23:21
Fota z haziety «Rodnyja vytoki».
U Dokšycach (Viciebskaja vobłaść) zatrymany Jury Maciajun, aficer milicyi ŭ adstaŭcy. Na jaho domie ad 9 žniŭnia visieŭ nacyjanalny ściah. «Milicyjanty sfotkali ściah, a potym zatrymali haspadara i źvieźli ŭ pastarunak», — paviedamili čytačy «Našaj Nivy» z Dokšycaŭ.
Maciajun pracavaŭ u milicyi jašče ŭ 90-ja hady. Jon maje vyšejšuju jurydyčnuju adukacyju.
Kali syšoŭ z milicyi, pracavaŭ jurystam u roznych arhanizacyjach Dokšyckaha rajona. Biełaruskamoŭny. Zaŭsiody trymaŭsia demakratyčnych pohladaŭ, u takich ža kaštoŭnaściach vyhadavaŭ svaich dźviuch dačok.
Paviedamlajecca, što Maciejuna pakinuli za kratami da suda ŭ paniadziełak.
Nacyjanalnaja simvolika biełarusaŭ ŭ RB nie zabaronienaja, a vyviešvać na svaich damach kožny hramadzianin pa zakonie maje prava ŭsio, što choča. Tamu, mahčyma, Maciejunu vystaviać niejkaje inšaje abvinavačvańnie, tak nie raz byvała ŭ padobnych vypadkach.